Pagina:Italien112.pdf/16

Da Wikivivàgna

chi no teme le saete ni li vereton de li demonii, ni le persecucion de la gente, ni de niguna aversitae. Imperzo che questa forteza si he una vertue divina, chi ven da çé; perzo dise Iuda Machabeo a lo povo de Dé, chi devea combate contra li nimixi de Dé, chi temeivan d'intrá in la bataia, perzo ch'eli eran pochi et li nimixi asay: "Andai seguramenti et no temi, che da Dé de lo çé ve verrà la forteza, chi ve darà la vitoria de li vostri inemixi". Et così fo faito, che per la vertue de la forteza divina li pochi si venzè[n] li asay.



perde lo regno temporar che lo celestial et pezo ocise Criste et perm l'un et l'atro.

Lo quarto timor si he apelao timor servil, zohe de servo, che lo servo serve pu lo segnor per paor d'ese batuo, che per amor ch'elo g'abia; questo timor si he in parte bon et in parte ré; hel'e in tanto bon, che per la paor de le pene de l'inferno l'omo s'asten de mal far, ma el'e intanto (el'e) ré ch'elo no se n'astem per l'amor de Dé, ma solamente per la paor de le pene; che, se no fosse quella paor, ello no laxereiva ch'elo no fese lo pecao. Unde san Zohane dixe, che chi ha questo timor, no he perfeto in la caritae.

Lo quinto timor si he apelao timor iniçial, de lo qual dixe David, in lo salmo: Inicium sapiencie timor domini. Aquora questo timor no he perfetamenti bon, ma el'e pu da loar che da biasmá, che quamvisde che per la paor de la pena l'omo scive lo pecao, nientemen elo la sciva principalmenti perzò ch'elo teme de despartise de Dé. Si che questo timor si sovermonta a quelo; ma anchor perzò chi ha paor de le pene no he perfeto in caritae, che la perfeta caritae si descaza da si questo timo et questa paor; zo dixe san Zoane.

Lo sexto timor si he apelao timor filialis, zo he timor de fiio: che chosì como lo bon fiio teme de offende lo paire sover tute le cose, per lo grande amor che elo gi porta, ben che elo sapia che de quela ofeisa elo no de eser batuo da lo paire. Così chi ha questo timor in ver de Dé, a semeianza de lo bon fiio, si teme et si se guarda da offende lo Paire so celestial, eciamde se elo fosse certo che de quela ofeisa elo no devesse mai portá niguna pena, ni punicion; et de questo timor dixe David in lo salmo: Timor domi ni semper manet in seculum seculi; zo he a di, che chi ha questo timor no ha mai fin, ni in questo mundo, ni in l'atro, che l'anima iusta et santa si lo porta cum seigo in paraiso, ni mai he ni serà senza questo timor; ma questo timor no he penoso, ma he pin d'alegreza et de deletacion; et questo he un de li sete don de lo Spirito Santo; et tuti queli chi an questo timor, si sum si abraxai et aceisi de l'amor de Dé, che eli aman pu Dé che lor mesmi. Unde santo Agustin dixe, che li santi de paraiso, se Dé volese ch'eli fossen enter l'inferno, eli ge vorean esse in piaser de Dé, avanti che esser in paraiso in despiaxer de Dé; et questo perche? in perzo che eli aman pu Dé che lor mesmi, ni no voren atra cosa nixuna noma zo che Dé vo. Chaschaun duncha chi ha in questa vita questo sexto ramo de timó, si ha paoira de offende li ogi de l'amantissimo Paire etiamde se ello savesse et fosse certo che de quela ofeisa no devesse ma avei niguna pena ni punicion. Dé per la soa gracia ne concea et ne daga questo timor.

Amen.