 |
Questa pagina a l'è stæta corretta. | |
de là da mar, unde è guerra e tribulation, che ello ge mande paxe e bonna consoration per li meriti de la soa sanctissima morte e passion.
Responde ut supra.
Preghemo per la nostra citae e per lo destreito, che lo nostro Segnor messer Yhesu Christe destenda le main de la soa sanctissima misericordia e si daga veraxe cognoscimento a tutii quelli chi am a reçe e a governá questa citae; e che lo doçe messer Yhesu Christe ge dea gratia che elli la rezam a quella via e maynera chi sea a crescimento e deffension de la citae nostra, paxe et consoration de li citayn nostri e de quelli chi ge hatan[sic] e habitar ge den.
R. Christe lo faça per la soa pietae e misericordia.
Preghemo per li nostri recomanday e per le nostre recomandae, e per tuti quelli e quelle chi speran in le nostre oratioyn, che lo nostro Segnor messer Yhesu Christe no guarde a le lor reçe e pecae, ma li exaudissa, e ge responda a la lor bonna intencion e si ge daga ço che g'è necessario a l'anima e a lo corpo.
Responde ut supra.
Preghemo per tuti quelli chi n'am offeyso o fayto o dito vilania, o a chi noy avessemo offeyso in alcunna guisa o maynera; che lo nostro Segnor messer Yhesu Christe no guarde a le nostre reeçe e peccae, ma perdonne a noy e a lor, per la soa misericordia e pietae.
Responde ut supra.
Preghemo per li naveganti chi sum per l'universo mondo; per quelli de mar e per quelli de tera, e spetiarmenti per li frae de questa conpagnia beneita. Che lo nostro Segnor messer Yhesu Christe li aie a li lor perigi e necessitae, e li abia semper in la soa beneita guardia e li torne a casa lor, sayn et salvi con li soy dinai, mercatie[sic] e havei, per la bontae e misericordia soa.
Responde ut supra.
Preghemo per li mercanti e arteixi chi traffegam le cosse do lo mondo, che lo nostro Segnor li dea gratia che elli façam mercantie e traffegi leay, per quella via e mainera chi sea loso de Dee e salvation de le lor annime
Responde ut supra.
Preghemo per tuti li pelegrim e pelegrinne, chi vam in pelegrinaio per l'universo mondo, che lo Segnor beneito gi dea gatia[sic] che elli possam far viagij iusti et santi, chi seam honor de Dee et salvation de le annime lor per la bontae e misericordia soa, e che elli pregem per noy e noy per lor.
Preghemo per tuti quelli chi no sum bapteçae, chi sum fora de la santa fe cristianna. Che lo nostro Segnor messer Yhesu Christe ye illumine li lor cor de la santa fe cristianna, e li reduga a lo so santo baptesmo, açochè elli possam andar a la soa beneita gloria.
Responde ut supra.
Preghemo lo nostro Segnor messer Yhesu Christe, che ge piaxa de mandar in su la terra bon aere et bon sanitae e habondantia de victuaria, e li fructi necessarij de la terra ge piaxa de dar, e quelli conservar, per la soa grande bontae e misericordia.
