Pagina:Giornale Ligustico 10 1883.djvu/349

Da Wikivivàgna

GIORNALE LIGUSTICO 347

Or fosse da lo vostro lao
a partir cum voi lo dolor.

3.
Oimè, fijor me de bone aire,
voi si sei sorella e paire:
como romarà la vostra maire,
chi è soreta e senza fijor?

4.
Et Criste respoxe de la croxe,
cum la soa doce voxe:
o maire mia, non abiai tar dolor:
a Zoane e' te lasso,
e quello sea lo to fijor.

5.
Et Zoane evangelisto
chi pianzeiva cum lo cor tristo,
ello me pijà per maire,
et mi lo preixi per fijor.

6.
Voi morir, fijor,
voi morì o doce paire,
voi morì, spoxo de bon aire?
O doloroxa quela maire,
chi ve morir si bon fijor!

7.
O voi, chi passai per la via,
vegnine alla passion mia,
et si veirei la doya mia,
la quar e' veigo de lo mio fijor.

8.
Oimè, Zuè, a si gran torto
lo me fijor voi me l'avei morto!
Voi me faresi gran comforto,
se cossì morto voi me lo rendi.


XXIV.
De la passion de lo nostro Segno Ihesu Criste.


O voi, chi amai Ihesu d'amore,
vegnine a pianzer la passione.

1.
Et son Maria, chi ò lo cor si tristo,
la quar aveiva per fijor Cristo
la mia speranza e lo me aquisto:
ello fo crucificao per li peccaoi.

2.
Et me fo dito: ave Maria,
da l'angero santo, chi a mi vegniva;
or gi respondo: lassa a mi tapina,
che amara sun in gran dolor!

3.
Lo angero me dise: de gracia pinna;
or ge respondo: lassa mi tapina,
che de dolor e' son tuta pinna
in lo tempo de la passione.

4.
Et l'angero me disse:
lo Segno si è conteigo;
or gi respondo: non è con meigo,
ma ell'à Pilato alla colona streito,
chi lo flagella in gran dolor.

5.
Et l'angero me disse,
che e' sun beneita;
or li respondo, che e' son trista e dolenta,
che lo mio fijor in croxe penda;
tuta e' son pinna de gran dolor.

6.
O fijor me, persona bella,
mandai conforto alla poverella ,
e anderò soreta e tapinella,
che ò perduo Criste lo mio amore.

7.
Et lo me fijor me respondeiva,
et docementi a mi dixeiva:
non pianzi tanto o maire mia;
e' ve lasso Zoane per vostro fijor.

8.
Et pianzando ge respondea:
che cambio è questo, o vita mea?
Tuta la gracia da voi aveiva,
et si receivo
un homo in cambio de lo mio fijor.


XXV.
Questo si è lo pianto de la Intemerata e glorioxa Maria
lo quar se dixe lo venardì santo.


1.
Or pianzi la dura morte
de lo doce fijor me,
chi v'à averto le porte
de lo regno de ce.

2.
Or pianzi e sospirai
cum mi trista e dolenta,
e Maria non me ihiamai,
ma me di pina de peina;

XXni. V. 3$. — Fot me Jari si gran ecc.? 8 1"^ F, Lxxxv r. F. txxxv V. XXIV. V. 18. — Ella nel ms. S' ha tlh in senso di lui, oppure e* II" à = tgli lo ha ? O Lxxxvi r.