 |
Questa pagina a no l'è stæta corretta. | |
Ant. Ma com[m]e?
Cap. Senti, ca l'è bella. L'ha mandòu ro generá a fá unna descoverta; e si come o fava dro salabracco, o n'ha osciúo de compagno; mi che dapuœ che ti m'æ dito ro fæto no l'ho moæ ciù lasciòu d'œggio, bellamenti me ghe son destaccòu apprœvo, che no se n'è accorto l'aria, e gh'ò taggiòu ra strad[d]a a traverso; quand'o l'é stæto da re colonne dro castellazzo a ra vista de l'inemigo, lié se caccià boccúo per n'iesse visto, e mi in panson da ro lòu drito, ghe misse ra martinna finn'a ro mannego, e in tanto co tirava ri cássi a ra morte, chi ghe streppava l'annima d'in corpo, ghe disse intre l'oreggia: Questi son regalli, chi fa fá Antonia a ri suœ amisi.
Ant. A no poeiva andá miegio; in tanto te ringrazio.
Cap. Chi ringrazia esce d'obrigo.
Ant. Mi n'intendo però de non man-
