 |
Questa pagina a no l'è stæta corretta. | |
nuí, s'havessimo votto l'œggio a ri hommi, ca se ne foisse accorta. Mi era inamorá de Cœggiborse, e mæ sœ de sò fræ; unna seira, che luxiva ra lunna com[m]e un spiegio, ne viegnan tutti duí sotto per parláne, e perchè eivan poira, che me moære foisse ancon adesciá, fessan ro segno solito, con batte doí rissœ insemme, com[m]e fa ri grasuin dri fondeghé, quando avisan ro patron, chi fasse ra mesura giusta, per n'esse piggiæ in sciù ro scarso, e se tiràn intr'un canto. Seguì, che mæ moære quella seira a l'havæ havúo da fá ciù dro solito, e a l'era ancon de fœra, e veggando gente a ra porta a s'ingirosì, e úria búria a piggià partío de mariáme, e in trei dì a me dè a Bell'œggio, e Cœggiborse e mæ sœ restàn a cianze. Ra viegia, chi se quintava, che ra Lilla no foisse ancon in axillo, se ne restò queta, ma in tanto ro fræ de l'amigo
