 |
Questa pagina a no l'è stæta corretta. | |
GI ORNA LE STORICO E L E T T E R A R I O D E L L A LI G URI A 343
XX.
Zane Maria Pelizza saota xù
Con fase ben vegnì re vene grosse,
Te pensi[1], dixe, d’esse nomà tù,
Ch’haglie covèa de fa berrette rosse?
Viremo ancuoi, chi se mostrerà chiù
Varente, e chi haverà chiù buone posse,
Oxù no chiù, ch’à ro viremo ancuoi,
Chi se serà portao meglio de noi.
XXI.
Andemo[2] donca con gran vigorìa,
Ch’à n’hamo tutti chiù che tù covèa;
Ro campanin sonava ra stremìa
Per poè imbarlugà quella[3] Lovèa.
I se ne van con una bravarìa
Con l’arme in spalla, e ra spà à ra corrèa,
E s’acciatàn[4], senza parlà, derrè
De quella[5] cà, ch’è la à ro monastè.
XXII.
Vinticinque[6] huomi soli eiran trà tutti
Quei, che con Calidon fen l'imboscà,
E stavan quei, che[7] pavan tanti mutti
Senza stà mai trà d’elli a raixonà,
Pensando de taglià come presutti
Quella[8] marmaglia cosi accoventà,
E damentri, ch’i pensa a sto lavò,
I ri ven sparegà con gran furò.
XXIII.
Arrivai donca a Santa Cattarina
Maralaido veixin a ro fossao,
De da a quelli menchioi grossa rovina
Ogn’un dri nostri assai s’è affatigao;
In te quei vinticinque Cardellina
Stava ello e si[9], come ri aotri, acciattao,
A Benaia se vouze[10], e a Calidon
Besuogna, dixe, adesso fà da buòn.
XXIV.
E cosi comenzàn tutti a sparà
Contra quelli[11] forfanti tradittoi,
E parea giusto, che quello[12] tirà
Fosse rebombo de grossi canoi;
I tornàn poi subito a carregà,
E assai dre voute fen d’esti lavoi,
(1 ) Sartia Catterina, sita, dove nel 1633 per liberalità di G io. Batta Reghezza fu eretto un monastero di religiosi.
Società Ligure di Storia Patria - biblioteca digitale - 2012
