Pagina:Esopo Zeneize 1822.djvu/4

Da Wikivivàgna
Sâta a-a navegaçión Sâta a-a çèrchia

(che ancon a-o dì d'anchœu se sentan fâ in quæxi tutte e Case o dä Camêa, o dä Serva, o da-o Servitô) con de atre Foe morali all’Esopiana, në quæ introduendo a parlâ de Bestie, di Erboi, de Sciôi ecc. ecc., i Figgiœu che é sentan pe-a primma votta se ghe sciallan, piggian subito gusto a lezile, o a fâsele contâ, a Poesia ghe dà un çerto lecco, chi ghe risveggia a fantaxîa, o linguaggio nativo gh’aggiutta a tegnîsele a memöia, cosichè ritegnindo facilmente co-e Foe a morale de mæxime, spetta a chi ghë conta, o a chi ghe fà leze de fâghene quella giusta, e giudiziosa applicazion, per a quæ son stæte scrite, onde formâghe de bon’oa o coeu:

Vœuggio lusingâme, che sä gradïo da-i mæ Concittadin questo mæ travaggio, che hò misso insemme â bellamegio de nœûtte quando m'adesciavo, a-o quæ me protæsto de n’attaccâ nisciun merito, o importanza, e finiscio per dî nœuvamente che

L'oggetto è assæ lodeive, e me ciammiò contento
Se solo in poche case porriò ottegnî l'intento.

M. P.