 |
Questa pagina a no l'è stæta corretta. | |
Colto ed incolto pûbblico
Vegnî chí all’abbondanza
D’ûn magazzin de maschere
Tutte de circostanza,
Che v’esibiscio, e subito
Vegnivene a provedde:
I prexi son bassiscimi,
Chi no vedde no credde.
......
Gh’o due marscinn-e classiche
Scïortie da-o Parlamento
Indosso a di Onorevoli
Vee banderolle a vento
Dell’ungîa benemeriti
Che minaccè de prêuve
De ladroiiissi indebiti,
Ammazzan chi ghe-e scrêuve...
...
Gh’o ûnn-a superba tûnica
Belliscima montûa
D’un General grandiscimo
(S’intende de statùa)
Famoso pe de bombôe
Cacciæ in sc’ûnn-a çittæ
Che l’ëa Superba un tempo
Ma o l’ha ridûta ûn bæ.
...
Gh’o ûnn-a felûa magnifica
Bella, elegante, finn-a
D’ûn ch’imparava a nautica
Da vispa ballerinn-a
Che o se fé cêde l’ûmido
Scettro do rè do mâ
Pe annunziase a-i popoli
Padron de l’aegua sâ.
