 |
Questa pagina a no l'è stæta corretta. | |
Ma pe-o nomme ch’a portiä;
E o tegnîme in ta vedrinn-a,
E o mostrame comme un santo,
O sä ûn mettime ä berlinn-a
Senza mai che vêugge tanto;
Perchè creddo che i grand’ommi
Seggian solo galantommi
Doppo morte, e se-o mantegnan,
Quando i popoli ghe vegnan
No zà o corpo a idolatrâ
Ma o so spirito a invocà.
...
Sö feliçe, amigo cao,
Quello giorno no ciù amäo
Quando a mëgio zoventù
Che l’Italia a possediä
Sempre amante da virtù.
Dä mae fossa a s’affermiä
E a diä sempre cô’ ûnn’inchin;
— Ecco a Croxe de Mazzin!
Ciù che a barba conservâ,
Ciù che a pelle, ciù che e moen,
Me sæ cao sempre mostrà
Vive onesti a-i mae Italien,
Amâ o giusto, amâ a raxon,
E aggiuttà sempre a Nazion....
Che co-a paola libertae
Fan tremmâ o bon çittadin;
