Cumponn-e di Grandi
A closse i Prelati,
I Vescovi, o Pappa,
Canonici e Abbati;
E questi në moen
Han sorte e destin
Do resto da tûrba
Di prævi piccin,
Che solo co-a messa
Roziggian a vitta,
Se questa a ghe manca
Meschin! no se pitta.
I Grandi ostinae
Fän guaera in etermo
A-e leggi, a-i prinçipii
D’ûn largo governo;
Perchè, se s'estende
A bonn-a instruzion
Governo di popoli
Diventa a raxon;
E questa a l'è perdita
D’imperio, d’influenza
Per lô che governan
Co-a ceca obbedienza.
Vestïa tutta de rêuze e giäsemin,
Semennando per tûtto un grato odô,