 |
Questa pagina a no l'è stæta corretta. | |
12
Lê de brûn tûtta vestia,
Con a robba a pittettin
Ciû pietosa a l’ha l’ammïa,
Ciù scîmpatico o faccin.
13
A l’insegna a-o sò tezôu
O tò nomme barbottä
E a ghe dixe: « Mottin d’ôu,
Vegni un giorno bon mainâ».
14
Quande poi ritorno in porto
D’in scia punta là do Mêu
A mâe Ninna con trasporto
A me mostra o sò figgiêu.
15
E sätando zù dabbasso
A lö incontro pe vegnï
Mi me i baxo e me l’abbrasso
Cö scingûlto tûtti dui.
