Pagina:Donaver Antologia 1910.pdf/179

Da Wikivivàgna
Sata a-a navegassion Sata a-a serchia


E da Banchi e da San Sî,
Fen ro giro tutt'attorno;
Se n'andon poi à finî
Tutti insemme a ringraçiâ
Ra gran Santa à l'Ospiâ.

25
Oh gran Santa Cattariña,
A Portoria sempre unia!
Ro gran Rè, ra gran Regiña
Voi preghæ Gesù e Maria,
Che ne sarvan ra çittæ,
Che vivemmo in libertæ.


MAXIN SFŒUGA RE SÒ PEÑE SOTTO RI BARCOIN DE MINETTA, CHI NO CORRISPONDE À RO SÒ AMÔ.


Mi son chì, ra diggo sccetta,
Per sfogâ ro mæ magon;
E ve prego, mæ Minetta,
Fæve un poco à ro barcon:
Perchè dre mê peñe à tutti
Vœuggio fâ publiçitæ;
E che fin ri sordi e i mutti
Saccian comme me trattæ.

2
Quanto tempo, che d'attorno
Mi ve vegno à rondezzâ!
E me vedde ro contorno
Cianze spesso e sospirâ.