 |
Questa pagina a no l'è stæta corretta. | |
SCENA I.a
Tib. Signore sì. I vostri galanti han convegnuo fra de
lô, che ve dovessi trovâ tutte doe chi insemme, e noî
emmo eseguío o sò ordine.
Giaç. (a Florinda). Quest'ordine m'è molto caro; e
reçeivo con piaxei una compagna de questa sorte; per
conto mæ, quelli che son amixi di nostri amixi saran
sempre ben visti, e reçevui.
Flor. A vostra rassegnazion a me piaxe, e per mi son
in tutto, e per tutto do vostro sentimento.
Mon. E quando se tratta in materia d'amô, e come
vala?
Flor. Riguardo a questo l'è un'âtra cosa, e se corre un
pò ciù de reizego. E mi non son tanto coragiosa.
Mon. E mi all'incontrario creddo, che o seggæ come
l'è presentemente mæ patron, o sciô Leandro; perchè
quello ch'o l'ha fæto per
