 |
Questa pagina a no l'è stæta corretta. | |
Questo Liban acceizo incatranou,
Ch'oura con tanta fæ pa chi te ghie
A descrovi ri pesci chì, e lie,
Dra fossina Compagno si Zurou.
Chi ben poesse savei così in sò grou
Dri fæti tuoe Ballin fossia ò se rie;
Queste che in le te poeran sciamme à tie
Son fossia un Carleva dro tò peccou.
Che per fa fuoego, e vei ben drento, e fuoe
Tutta fin à ro fondo ra marinna
Che chiù bello liban gh'è dro to cuoe?
Quello con peixegrega, e trementinna,
Questo senz’atro fa le mæsmo puoe
Sciamma, nò che fana dra fregattinna.
