 |
Questa pagina a no l'è stæta corretta. | |
In questo mæsmo dì, chi corre ancuoe
L'anno passou de Mazzo à puinto fui
Ra bella primma votta, che te vì,
Bella Lichinna, e me zughei ro cuoe.
Mareito se re pegore, e ri buoe,
Che de guardare lò, me persi mì
Fuisse restou de statua bello lì
Chiù duro ch'unna seppa, e che un rissuoe.
Che per vive in un vive così cruo,
Staræ megio intri morti sotterrou,
Che tra ri vivi così ma vossuo.
E chì sà se à ra fin, megio pensou,
Ti mesma ro tò erro reconossuo
Ti nò chianzessi ancon ro tò peccou.
