 |
Questa pagina a no l'è stæta corretta. | |
Per fame ben vorei, per fame caro
A questa Coppa d'oro de Zaninna
Me crou che in pezzi come ra tonninna
Me lasseræ redue, l'haveræ caro.
Nò m'havereiva in breiga, ni descaro
Beive per dose l'ægua dra Marinna;
Piggieræ per siroppo de cantinna
L’aloè, quand'ò fuisse assæ chiù amaro.
Corriræ dentre spinne à pe descasi;
Me caccieræ intro fuoego bello nuo;
Faræ, se puesse, Zuramenti fasi.
Piggieræ patto à vive nuo, e cruo
Pù ch'à nò me vozesse le ri casi
Questa cara Zaninna de velluo.
