Muza cara, discretta, accostuma,
Ch'ogni dì sciù ra Messa dro Battesto
Dopo lasciame Amo si rotto, e pesto
Ti me vegni à ro letto à conforta.
Che con venna sì pronta, e appareggia
Ti me metti in Carrera cosi presto;
Che sempre, ò se reposo, ò se me vesto
Te me sento à l'oreggia cicciorà.
Muza tre votte cara, ah' sarà moæ
Che ra nostra Minetta un dì da stenti
Ne tragghe, un dì se muoeve à Caritæ?
C'haggian fin sciù rà fin tanti lamenti?
Che lascie ancora un dì recompensæ
Minetta ri tuoe canti, e ri me chienti?