 |
Questa pagina a no l'è stæta corretta. | |
De passo in passo un pensamento noevo
Pa che à ro cuoe me picche, e me conseggie
Che sæ tosto raxon che me reveggie,
Con trovame à ro segno, che m'attroevo.
Trà mi mesmo re osse me descroevo;
No sò trova con che raxon me deggie
Rezeve dì, e noette re oreggie
Con sta vuoi sempre in scacco no me muoevo
Così da l'unna parte ra speransa,
Dall'atro lou ra desperation
Me tegnan noette, e dì sempre in baransa.
In fin pa che me ditte ra raxon
C'haggie da veive ancon pietosa, e mansa
Se ben fuissi chiù forte che Sanson.
