 |
Questa pagina a no l'è stæta corretta. | |
Canzon Quarta.
1.
Sciù ro Carro d'arinto
Sensa macchia de nuvera nissunna
Compariva ra Lunna,
Re Stelle con regatta de sprenduoí
Luxivan chiære come tenti Suoí,
Quando à ra Crua chi l'hà sempre d'attorno
A fá dra noette giorno
In cangio de dormí
Così ro bon Pastò se fé sentí.
2.
Zà ra Lunna tramonta;
Re Stelle chi pareivan poco avanti
Puinte de diamanti,
Oura che se dan tutte in ammortá
Poæran giusto mocchetti da un diná.
Zà ro Cé mostra con cangiá coró
Che l'è tosto l'Arbó
Bella levate sciué,
Ogni cosa t'aspeta, e no puoé chiué
