Pagina:Cittara.zeneize.1636.pdf/241

Da Wikivivàgna
AMUOÍ BOSCARECCI
Canzon Tersa


1.
Stanco da ro travaggio
D’havei per longa pezza à ra soriggia
Roncou chiù d’unna Liggia
Destannou chiù d'un Baggio
E rotto à son de corpi de paferro
E sassi, e Rocche dure come ferro,
Misso come à partio
Da ro suo, da ro scioú
Mà chiù da Amó, chi moæ no ghe fà fio
Con gambe de battuo strangossioú
Sott'unna gran castagna
A ro pé dra montagna
Ranghezzando reduto in sciù ra fin
Così cantà l'innamorou Perrin.

2.
Oura che in ogni luoego,
Come ro Cè sæ quarche gran fornáxe
L’ære và tutta in bráxe
Ro Mondo è tutto un fuoego
Che ro Sò in lion per dì cosie