 |
Questa pagina a no l'è stæta corretta. | |
Canzon Prima.
1.
Zá per arví re træte
Dro Dì l'Arba esce fuoera
Ch'oura, oura era in fassuoera
Con ra bocca ch'ancon ghe sá de læte,
Oh' che bella mattin,
Desciate Bella à veira con Perrin.
2.
Vegni, cara a vei rie
Ro Bosco e ra Montagna
A vei pe ra Campagna
Re scioi tutte de nuoevo revestie,
Vei brillà pe ri chien
In Vivagne d'Arinto ro terren.
3.
Rò gusto dra verdura
Oh' che gove perfetto,
Che vive per diletto,
Ro vive à beneficio de natura
Chì, d'onde gianco e brun
Ro Povero e ro Ricco son tutt'un.
