Pagina:Cittara.zeneize.1636.pdf/223

Da Wikivivàgna


4.
Femmo dunca à ra foresta
Dro mà festa
Tra ri treppi d'este ramme;
Ognun chiamme
Ra sò Bella;
Ra batteze per rebella.

5.
E se à caso à nò responde;
S'à s'asconde
Carreghemoghe ri panni
Con maranni;
S'à se muoeve,
Ti ni mì, nò se descruoeve.

6.
E se missa all'accimento
Quarche chiento
Ghe notassimo ò sospiro,
Femmo un tiro,
Demmo un crio,
Con pagara d'un adio.