 |
Questa pagina a no l'è stæta corretta. | |
Donna, megio dirò se digho stria,
Alleva tra re annime perdue
Tanto intenta à brama che me destrue,
Che no reste de mì pria sciù pria.
Perche un dì questa festa sæ finia,
Zà che ra mæ desgratia me condue,
Resoluto de veime ò sciù, ò zue,
Vegno à da ra mæ vitta per spedia.
Vegnimmo à meza lamma chì trà nuoi
In mill'agni, che chinno comme schiavo,
Ro Collo à tenti amareghi, e douroi.
Dri me sui che descarrego ne davo?
Minetta, no sei persa? son mattuoi,
Sei persa come è perso ro Diavo.
