 |
Questa pagina a no l'è stæta corretta. | |
Roeze à rubin retræte;
Livij imperlæ de læte;
Cento, e mille scioi nuoeve à tutti gusti
Decimando à l'attressa,
E tra re scioi queste parolle à intressa,
10.
Figgio che in queste rive,
Ond'è larga ogni noia;
Onde moæ no se pruoeva hora infelise;
Onde vitta se vive
D'indicibile gioia
Eterna, insaziabile, felice,
Onde per trattegnise
Straccque dà ro componne,
Vegnan con mille sfersi
Re Reginne dri versi
A tesse à ri Poeti re coronne,
Per grazia oura t'è dæto
De vaghezza queste bellesse in fæto.
11.
Questa, ch'oura ti miri
De nostra man tessua
Trà brocchetti, e carzuoe con tanta tresca;
Trameschia de Zaffiri;
