 |
Questa pagina a no l'è stæta corretta. | |
Usci da gran Palatio dro Pareizo
Che à l'un dri fianchi appeizo
Stocco in Oro luxente
Per pompa, ò per uzansa;
Che in man ten ra baransa,
Con ra qua, per n'odi chì chiù lamente
Streita in arme, e in cavallo
A l'andà in Ce per habita de stallo.
7.
Con pe de neive pura,
Che in l'eterno viaggio
Atra via che de læte moæ nò stampa,
Là, donde ra verdura
Fà compari ro raggio
Chiù gratiozo dell'eterna Lampa;
Onde à fronte s’accampa
Con tromba dell'oretta
Desteizo pe ra riva
Bravo per prospettiva
Da pertutto un'exercito d'erbetta
Grave per portamento
Zà ra miro inviase à passo lento.
