 |
Questa pagina a no l'è stæta corretta. | |
Vuoi, che à ro son de Cittara Zeneize
Dri me sospiri in carta ve fæ spegio,
Che inanzi tempo me fen vegni vegio,
Da puoe che ro sorchetto Amó m'atteize.
Zà che Amó ve fà savij a re mæ speize,
Mentre in sciù re mæ spalle fæ collegio,
Haggiæme compassion così, à ra megio,
In nò me condanna senza defeize.
E mentre in leze me virei cangiou
E ro nomme, e ra forma dro gippon
Oura in hommo de villa, oura in pescou.
Fæve vegni in mente un Salamon,
Che se le mesmo è uscio dro semenou,
Amó no ammette lumme de raxon .
