 |
Questa pagina a no l'è stæta corretta. | |
RISPOSTA
Oura ch'in ro cangia barba, e cavelli
Chianzo con canti ro me primmo chiento,
Conoscio cos'è pascese de vento
Chiamando unna Coassa oro d'anelli.
Se quattro fire d'oro in canestrelli;
Son ligaggie da hommo, ò pu da fuento;
Cos'è un longo maprò; breve un contento;
Cose son questi giorni, e cose quelli.
Sciù ri agni primmi, quando andei zirando,
Amo servì mì assì con ra mæ Picca,
Sordatto de fortunna sospirando.
Mà visto, Giustignan, de nò fa bricca,
L'Annima conseggiei à anda svorando
A chiù nobile Amo per fase ricca.
