 |
Questa pagina a no l'è stæta corretta. | |
PIER GIUSEPPE
GIUSTINIANO.
Sciù re spalle, Cavallo, ri cavelli
Tutti quenti insuppæ da ro me chiento,
Desligava Gironima à ro vento,
Chì favan chì e lì per tutto annelli.
Pareivan tenti d'Oro Canestrelli
Per da, da merenda à Amo, ch'è un fuento;
Ro Ce sareiva dro sò So contento
Se ri suoe Raggi fuissan comme quelli.
Quando ri veiva anda così zirando,
Se ben gh'era lontan chiù d'unna Picca,
Ghe fava mì assì vento sospirando.
E l'Annima ch'è mæ, ni cura bricca
De sta comeigo, à se n'andà svorando
In quell'Indie de Trezze, a fase ricca.
