 |
Questa pagina a no l'è stæta corretta. | |
8.
Quello So, che ro Ce tutto innamora,
Che dapertutto in luxe se comparte;
Tutto in ro tutto, e tutto in ogni parte;
Adorou, non capio fin à quest'hora.
Con raggio de brevissma demora
Scrita ò ne farà vei com'in desparte
De vostra man trà quelle eterne carte
Zena; donde Maria tanto s'honora.
E in chiappa de durissimo diamante,
Mentre boggie l'Italia in tanti crij,
De chiaghe, e d'ogni ma tutta abbondante;
Da Guerre, e Peste in vostra gratia uscij,
O ne registrerà con man stellante
In Governo perpetuo stabilij.
