 |
Questa pagina a no l'è stæta corretta. | |
6.
Finiremmo in Maria sempre con l'Ave;
Ave s'odirà subbito à desteizo
Per quelle lontananse de Pareizo,
Tanto dexideroze d'honorave.
Ri Angeri in ton de muxica soave,
Impossibile à nuoi d’esse compreizo,
Senza un minimo impaccio, ò contrapeizo
Corriran dapertutto à cortezave.
E doppo haveive con ghirlande, e tresse
Chi de scioi, chi de pærle donativi
Chi fæto in atri muoei mille caresse,
Con re Muze, e con nuoi tutti festivi,
Faran concerto dre vostre allegresse
Là per quelli crestalli sempre vivi.
