 |
Questa pagina a no l'è stæta corretta. | |
5.
Vuoi, che sei ra me Stella tramontanna
Dæta à ri peccatuoi per passaporto,
Vergine cara, redueime à porto,
Ond'all'eterno So vuoi sei Dianna.
Là donde corre letæ[sic] ogni fontanna;
Onde re scioi moæ n'han ro collo torto,
Con re muze dro Ce sempre à deporto
A son de versi canteremmo Ozanna.
E se vuoi, che sei tutta cortexia,
De quando in quando vorrei retirave
A favori ra nostra poexia;
Nuoi nò moæ sazij, ò stanchi de lodave
Intoneremmo in nomme de Maria:
Finiremmo in Maria sempre con l'Ave.
