 |
Questa pagina a no l'è stæta corretta. | |
4.
Vergine amarelæde in pe me rezo,
Che ro fassio, dond'hò sotta ro collo,
A forsa de strapicco, e de bricollo
In cammin fà che sempre resto à mezo.
Onde se vuoi nò ve mettei demezo,
Che no vagghe dro tutto à rompicollo,
Fin d’oura sento che me ghe degollo;
Solo in pensa nò me ghe veggo mezo.
Dunca à fini ro resto dro viaggio,
Onde l'annima indærno s'ascramanna
Per usci da le sola de travaggio.
Per fame vuoi che puei ra strada chianna,
Incaminæme con ro vostro raggio
Vuoi, che sei ra me Stella tramontanna.
