 |
Questa pagina a no l'è stæta corretta. | |
Pallido, descarnou com'un aguo,
Con ri oeggi incavæ, ra vista scura,
Per fantasma, e per monstro de natura
Zuoemoæ chiù che per hommo conossuo.
A ri pe dra sò bella (haggiando havuo
Con le nò sò che poco d'intratura,)
Siben che con ro sciou tosto à mezura,
Così parlà Ballin quæxi boccuo.
Tè mira, e dezingannate à ra fin
Annima senza fè con questo spegio
Quanto in là sæ per tì ro tò Ballin.
E dapuoe ch'o te dà tanto de vegio,
Scannaro de tò man che ro meschin
Piggierà sempre tutto pe ro megio.
