 |
Questa pagina a no l'è stæta corretta. | |
Za ro Ce comensava à fase gianco,
E l'Arba spantegava à pinna man
Sciù l'erbetta dri scoeggi ro saffran,
E ro Carro dra nuoette era zà stanco.
Quando longo, e stratteizo in sciun un banco
Per stanchessa addormio dentro Caban,
Ra mæ Maxinna in atto chiù che human
Se m'è in suoenno posa lì da ro sianco.
E in parolle non solo da descia
E ri suoenni e ro suoenno da dormi,
Ma ri morti, e ra Morte suscita.
Ballin, paræ ch'à comensasse à dì,
Ohime che in questo l'hò vossua abbrassa
Veggo ro suoenno, e le fuzze, e sparì.
