 |
Questa pagina a no l'è stæta corretta. | |
Se veddiàn finna da Banchi;
Tempo allegro pe-i villen
Che a campagna a l'ha un-na cëa
Verde d'abbondanza vëa,
Coscì dixe a cabaletta
In scie l'aja... un pò freschetta;
Bis con coro d'azenetti
Vacche, mû, bêu, bæ, cagnetti
Che no à vêuan mai ciù finî.
Scena terza; un Gallo, e detti
Cangia ton - Chichirichî;
Un adaxo ven apprêuvo
Sorve a Stæ in Sol maggiô
Cado, e vivo, (gusto nêuvo)
Perchè luxe sempre o Sô,
Træ gallin-ne han fæto un êuvo...
Cangia o tempo, a solo d'ægua
Obbligôu a stivæ, e pægua,
Zitto i flauti co-i violin,
Forte i bassi co-i trombôin,
Tempo scûo, tambûi, roullan,
Un quartetto sciorte fêua
