 |
Questa pagina a no l'è stæta corretta. | |
Questa a l'è a cabala
Composta ä toetta
Da-o Sciô Tiburzio
Co-a Sciâ Pimpetta.
Numeri bassi
Ecco ve-i spiffero:
Sætte, i duì assi,
Quattro, disette
Cö vintisette.
Zughæli subito
Con vostro comodo,
E për de seguito
Vinti leziôin;
Guagniei se vegnan
O Chi, o a Turin.
Fasso o primmo per diffeisa,
Pe andâ a caccia, o per offeisa;
Çerco l'atro per piggiâ
Moæ, Poæ, e figgi da mangiâ;
O mæ terzo o l'è savoïo,
Dunque o diggo all'erudïo;
Se fa ao mondo gran figûa
Pe-o mæ quarto, se a natûa
A n'hà in grande favorïo;
Un avverbio l'è o me tutto,
Che in famiggia o porta paxe,
Che in orchestra sempre o piaxe,
Anzi o piaxe da per tutto.
