 |
Questa pagina a no l'è stæta corretta. | |
CIV.
Che o promette » de pagâ
Ai Franseixi tutte e speise
De sta guëra, e riparâ
Prontamente a quelle offeise
Fæte ao Rè da so Patron,
Pronto a domandâ perdon. »
CV.
» Sci, ma primma vêuggio in man
» A Casauba, i Forti, e o Mêu
(Bourmont disse ao Dragoman);
» Tempo un ôetta, e se o no vêu
» Che ghe cazze adosso Argê,
» Ch'o se rende prexonê...
CVI.
Dito, e fæto!... Che non gh'è
Tempo a perde;... andò e tornò
Presto o Messagê, e se fè
Un pappê, che scigillò
Hussein Dey de strangoggion,
E o se reise a discrezion.
CVII.
Intra subito trionfanti (14)
In Argê e due brave Armæ;
Ghè và incontro giubilanti
I compagni liberæ,
E a populazion stordia
Viva Re de Fransa! a cria.
