 |
Questa pagina a no l'è stæta corretta. | |
LXXXIV.
Tutto è lesto finalmente,
Se dà o segno d'attaccâ,
Viva a Fransa! criâ se sente (11)
(Che a pâ a primma canonâ)
E comença un fêugo orribile
Che a descrive l'è imposcibile.
LXXXV.
Gh'è risposto c'un diluvio
De turchesche canonæ;
Pâ che l'Etna, e o Vesuvio
Là se seggian incontræ!
Da-o rimbombo s'è insordij
E da-o gran fumme inorbij!
LXXXVI.
Ao scoverto se batteivan
Quelli figgi de Scignôe
Comme diavi, nè cedeivan,
E duò o fêugo per tant'ôe
Che gh'ëa o Masccio chi scrosciva,
E zà a Breccia chi s'arviva;
LXXXVII.
Tutt'assemme in to ciù bello
Cessa quello fêugo eterno,
Comparisce un mongibello,
Pâ che sæ scciuppôu l'inferno (13)
Säta o forte!... ahi che fracasso!
Cazze o Dey! scrolla o Palasso.
