 |
Questa pagina a no l'è stæta corretta. | |
LXVIII.
Che crovindose de gloria
Cö so sangue han scigillôu,
Nêuvi Orazi, sta vittoria;
Degno è d'ëse nominôu (9)
Amadeo, figgio, e aggiuttante
Disgraziôu do Comandante.
LXIX.
Se l'Arma, drita a marciava
Sorve Argê in quello momento,
Porta averta a ghe trovava,
Perchè o Popolo in fermento
Contro o Dey s'ëa rivoltôu,
Che ciù un pö o resta stranguôu.
LXX.
Ma prudenza a l'exigeiva
De marciâ con precauzion,
Che ancon troppo sprescia aveiva
O Sordatto; e Chì è ao timon
Vêu aspettâ a grossa artiggiaja
Per no fâ un-na mincionnaja.
LXXI.
E fratanto che se dà
Giorno, e nêutte l'instancabile
Armâ in tëra, e miacôi a fà
Contro truppa formidabile,
Rincresceìva a quella in Mâ
De no poeighe un pö aggiuttâ;
