 |
Questa pagina a no l'è stæta corretta. | |
XXVIII.
Vista bella, e sorprendente,
E forse unica! d'ammiâ
Tante veje, e tanta gente,
Comme un neuvo Mondo, andâ.
Bello vedde in gran parata
Questa specie de crociata!
XXIX.
Andæ, o Bravi, con coraggio,
A sant'opea consumæ,
Chè s'associa ao vostro viaggio
Tutta a reo a Cristianitæ,
Mostræ ao Mondo che è poscibile
Quanto o se creddè imposcibile.
XXX.
In Argê tosto vixin
Trovon burascoso o mâ
Pee giastemme di Beduin (3)
Contro a Fransa, e pe-o sconzuâ
Di so Maghi, onde viron
Presto bordo, e a Palma andon.
XXXI.
E se comme a duî innamoæ
Ao momento de spozâse
Per sovrana autoritæ
Fosse forza o separâse...
Che castigo, e che penâ!
Coscì fù de quell'Armâ;
