 |
Questa pagina a no l'è stæta corretta. | |
VIII.
Lascio i primmi nell’Istoja
E parliö da Bandetâ,
Perchè fresca n’è a memoja,
E a l'è a stissa chì fè andâ
De fêua a tassa troppo impia,
Streppa a corda chì assæ tia!
IX.
Fù tra a Fransa e o Dey d'accordo
Stabilìo a sette mjôin (1)
Çerto credito balordo
De duî Mercanti Algerin,
Meno quanto devan dâ
A-i Franseixi, da sottrâ;
X.
Duî mjôin, e mezo son
I preteisi, e domandæ
Da passâse in revixion
A Pariggi, e sequestræ
A-o Tezoê, che in boin contanti
Pagò o resto a-i duî Mercanti.
XI.
Mentre se rivedde i conti
Tutt’asseme sciorte a mezo
O Sciô Dey, che a tutti i conti
O vêu i duî mjoin e mezo,
E de ciù o pretende ancon
Giudicâ in Argê a question.
