 |
Questa pagina a no l'è stæta corretta. | |
I.
Musa, damme questa votta,
L’arpa d’öu ben accordâ,
Famme, Apollo, a mente dotta,
E damm’estro per cantâ
Un-na de ciù belle impreise
Fæta dä Nazion françeise.
II.
Colpo grande! passo ardio!
Degno de chi o meditò,
Chi fà onô a chi l’hà eseguïo,
Chi o diresse, e o comandò,
Gloria o dà solida, eterna
Ai Franseixi, e a Chi i governa.
III.
Hussein Dey, ommo arrogante,
Superbiscimo e perverso,
Chi stimmava o so turbante
Ciù che tutto l'Universo,
O spettava i Gianchi e i Möi
Fe ammuggiâ di gren tezöi;
