 |
Questa pagina a no l'è stæta corretta. | |
Che son cosa neçessaria
A i Zeneixi comme l'aria:
De sta Zœuggia che in ra seira
Ognun fa dre braghe veira:
Che tutt'ommo fa faccende,
Che sto giorno à tutti rende;
E sì bello o ro depenze,
Che à ra fin pâ ch'o me strenze
À accordâghe cos'o dixe,
À despêto de Narixe.
Con Micrilbo son d'accordio
Dall'epilogo all'exordio.
Ma sæ dîto con sò paxe,
O m'indora re borraxe.
Con ro çuccaro in sta pillora
O vorræ dâme uña zillora;
Ma ra pillora giasciando,
Addio nè... m'arrecomando,
Mi ghe trœuvo un çerto amaro,
Che à ro gusto o non è caro;
E à parlâse in bon zeneize,
Dre Cazaççe solo à speize
(Piggiao ben ro primmo cavo)
Se gh'ingrascia ro diavo;
Che in sto tempo de Passion
Fa tutt'ommo ro buffon,
E se fa fòscia ciù mâ,
Che ro dì de carlevâ.
Re Cazaççe non intendo
Desprexâ, ni mi pretendo
