Ö PESCOU DA CANNA
I.
Son ö pescöu da canna,
da lensa, da pörpëa[1]
e passo con paziensa
ö giorno in sce a schêuggèa.[2]
Co-a moula e cö formaggio![3]
ancioa e sardenetta[4]
so fate ûn boccònetto[5]
da fâ vegnî l'aeguetta;
ma förse perchè i pesci
in böcca l'aegua han zà,
se callo a lensa a bagno[6]
nisciûn o me ghe dà.
Ö tempo passa e ö lammo
[7]
o pende in fondo a-o mâ
e se s'ostinn-a ö pescio,
mi ascì me sò ostinâ.
- ↑ Pörpëa: lenza per i polipi.
- ↑ Schêuggèa: scogliera.
- ↑ Moula: midolla.
- ↑ Ancioa: acciuga.
- ↑ Bocconetto: bocconcino, qui sta per esca.
- ↑ Callo: scendo, qui sta per getto in mare.
- ↑ Lammo: amo.
