 |
Questa pagina a no l'è stæta corretta. | |
I
PAISAGGIO DE PRIMAVEIA
(Mattin)
A-a drita e rovinn-e
d'ûn vëgio castello,
in fondo ûn rastello
che o saera ûn giardin.
Da l'atra ûnn-a casa
gianetta, grazïosa,
êuggezza coïsa
fra e ramme di pin.
Fra i prae tûtti verdi,
macciae de scioettinn-e,
de gianche pegoinn-e
intorno a ûn barchî.[1]
E ûn çê lûminoso
coscì trasparente
che ammiandou se sente
l'incanto d'Arvì.
- ↑ Fontana rustica.
