 |
Questa pagina a no l'è stæta corretta. | |
Sarvaego ti ë cresciûo in sce ûnn'artûa[1]
a picco sörva ö mâ che a morde e a baxa,
sensa a gioia de sciôî, ma da-a natûa[2]
t'ae avûo in compenso ö barsamo da raxa[3]
da-o tronco destillâ, impindo l'aïa
d'ûn san profûmmo acûto, deliziöso,
che mesccio cö marin. che ven da-a baia[4]
ö pëto fa respiâ ciû vigoröso.
Me piaxe a l'ombra têu de quando in quando
vegnime a repösâ beato e sölo,
restando a lungo chi fantasticando
co-a mente desbrillâ, e me consölo
a contempla 'sto mâ, 'ste belle rive,
'sto çê coscì seren ch'o rïe contento
de fäla in barba a quanti o vêuan descrive
e a carta ghe remettan cö talento.
