Pagina:Cava in to remoin 1930.pdf/43

Da Wikivivàgna
III.

DIVERSE


A ÇIGHAEA D'ÖU[1]

A-o mae amigo F. Marengo

Vorriae comme i poeti de Provensa
mettîme i 'na çighaea in ta gassetta,[2]
portandola orgogliöso in evidensa
con ciû piaxei da solita cröxetta.

'Sto scimbolo, pe i ciû, de imprevidensa,
de canti spenscierae e de bolletta,
pe chi cantando passa l'existensa,
l'é ûn scimbolo d'onô, l'é 'na vendetta

allegra contro i tanti che se creddan
consciste ö vive solo in to amûggiâ;[3]
ovie formigöe mûtte, che no veddan

  1. Ancora recentemente usavasi in Provenza insignire della Cicala d'oro, i vincitori delle annuali gare poetiche.
  2. Çighaea: cicala; in genovese çigàa ― gassetta: asola, bottoniera.
  3. Amûggiâ: accumulare.