 |
Questa pagina a no l'è stæta corretta. | |
BOXÏE PIETOSE
Ho a morte drento a-o chêu mentre te rïo,
çercando consolate, o mae piccinn-a,
e l'êuggio têu o me fissa e o no indovinn-a
che t'ho promisso tanto e t'ho mentïo.
Te parlo d'avvegnî, mentre te spïo
do mä i progressi lenti in ta faccinn-a.
Bella comme ûn pommin che zâ o declinn-a
a-a primm'arba da vitta appenn-a sciôïo.
«Vegniä presto 'sta Primma co-i sêu fiöri[1]
e tî d'in letto ti poriae stâ sciû;
ti repiggiae e têu forse, i têu colöri
insemme a tûtto ö brïo da zöventù...».
E tî ti creddi!... Scì, vegnian i fiöri,
ma tî, purtroppo, ti no ghe siae ciû!...
TI N'Ë MORTA!
Ti n'ë morta, per mi, povia piccinn-a,
e ö mae pensiero no te pêu scordâ;
davanti a-i êuggi ho sempre a têu faccinn-a,
da-i biondi rissolin incornixâ.
- ↑ Primma: primavera.
