Pagina:Cava in to remoin 1930.pdf/37

Da Wikivivàgna
Sâta a-a navegaçión Sâta a-a çèrchia

coscì sciâ se estaxiä de sêu graziete...
Va, popponinn-a, va con quest'ommasso,
se o no te piggia ûn po' no l'ha ciû quete! –


A DI NINNOLI DE STOFFA

Cöse piccinn-e, semplici, graziose,
d'ûn ninte faete, eppûre tanto belle,
ö fascino portae de forme snelle
de sêu manninn-e gianche e indûstriose.

Un tocchettin de stoffa, dui frexetti,[1]
pochi retaggi ûnii con dö bun gûsto;[2]
ûn cörpo de tesöie a-o punto giûsto[3]
e a grazia tûtta scioïa di sêu puntetti[4]

Quant'arte rivelae, che intelligenza,
quanta armonia de linie e de colöri,
quantunque seggi semplici lavöri
creae pe distrazion da a sêu paziensa.

Sèi belle e no me stanco d'ammiave,
a vostra grazia tanto a m'incadenn-a,
e, se ve tocco, a man ve sfiora appenn-a
pe a puïa, o cose belle, de guastave.

  1. Frexetti: nastri.
  2. Tesöie: forbici.
  3. Retaggi: ritagli.
  4. Scïoa: fiorita.