Têu papà che ogni giorno o sente sempre ciû forte e pesante ö dolore do gran distacco, o te dedica questi versci scriti cö chêu sanguinante e i êuggi bagnae da lagrime che no pêuan asciûgase.
LIETO EVENTO
A bönn-a donna rossa e sorridente[1]
a l'ha criôu allegra: – A l'é ûnn-a figgia!
ûnn-a biöndinn-a!... sciâ no se lamente
a reginetta a siâ da sêu famiggia.
Sciâ mie comme a l'é snella, a pä ûnn-a sbiggia;
a l'é ûn pommin de rêuza veramente...
sciâ a lasce cresce e sciâ veddiâ che figgia,
con 'sta faccetta rionda e promettente.
Sciâ l'é impaziente de piggiâla in brasso,
de däghe dui baxin?!... ma sciâ l'aspete,
finiscio de fasciâla e poi ghe a passo,
- ↑ Bönn-a donna: levatrice, dal francese sage-femme.